Шымкент қаласының Бас мемлекеттік санитариялық дәрігерінің қаулысына сәйкес 1-ші маусымнан бастап Шымкент қаласындағы бұғаттау-бекеттері алынды! Қаланың Бас мемлекеттік санитариялық дәрігері А.Тулебаевтың 30 мамырдағы № 19 Қаулысына сәйкес аудан, облысаралық жолаушылар қатынасына жол ашылды. Осы мақсатта ағымдағы жылдың 31 мамыр күні сағат 00:00-де Шымкент қаласының әкімі Мұрат Дүйсенбекұлы Әйтенов «Бадам» бұғаттау бекетіне арнайы барды. Онда шахар басшысы қаладағы 18 бұғаттау бекетінде 78 күн бұғаттау бекеттерінде тәулік бойы жұмыс жасаған Полиция Департаментінің бастығы, полиция генерал майоры Ералы Жумаханбетов басқаратын жеке құрамның еліміздегі коронавирус инцекциясымен күресуде қосқан үлесі үшін ризашылығын білдіріп, алғысын айтты.
Шымкент қаласындағы 18 бұғаттау бекеттері 200 арнайы көлік құралдарымен қамтамасыз етілді. 78 күні Полиция департаментінің 1000 қызметкері, уақытпен санаспай тәулік бойы өз міндеттерін атқарды. Маңызды объектілерді, медициналық мекемелер мен карантиндік аймақтарды күзетті. Қазіргі таңда, коронавирус инфекциясын алдын-алу және таралуын болдырмау мақсатында жалпы 158 арнайы автокөліктермен жабдықталып, 1912 қызметкерлер мен сарбаздар жұмыс жасады. Қоғамдық тәртіпті сақтау үшін полиция мен Ұлттық ұлан жасақтары көшелер, саябақтар мен аулаларды, сауда нысандарына да бақылау жасады. Өзін-өзі оқшаулау және шектеу тәртібі полиция қызметкерлерінің жұмыс режимін күшейтті. Осы шаралардың арқасында Шымкенттегі қылмыс саны 42,8 пайызға төмендеді. Мұндай күшейтілген режимде полиция және ІІМ-нің өзге де құрылымдары алғаш рет жұмыс істеді.
Шымкент қаласына кіретін және шығатын бұғаттау бекеттерінде осы күнге дейін барлығы 220 711 автокөлік тексерілсе, оның 89 631 көлік құралдарының өтуіне рұқсат берілмеді: Ал арнайы «Сергек» базасына тіркелген 131 080 автокөлік қала ішінде еркін жүріп тұруына рұқсат берілді. Жүргізушілер мен жолаушылар саны –180 677 адамды құрады.
Бұғаттау бекеттерінде қызмет атқарған полиция қызметкерлеріне қатысты қылмыстық құқықбұзушылық жасағаны үшін 12 тұлғаға қылмыстық іс-қозғалып, тергеу жүргізілуде. Атап айтқанда: Қылмыстық Кодекстің 378 бабы (Билік өкілін қорлау) —4, 379 бабы (Билік өкіліне бағындау) —3 және 380-бабы «Билік өкіліне қатысты күш қолдану» бойынша -5 іс қозғалды. Бұл шаралардың барлығы тұрғындардың денсаулығы мен қауіпсіздігін қамтамасыз ету үшін бағытталған еді.
Дегенмен, қалада коронавирус инцекциясын жұқтыру қауіпі әлі де жоғары. Сондақтан, азаматтар санитарлық талаптар мен сақтық шараларын қатаң сақтауы қажет.
Спикер: Ералы Жумаханбетов Шымкент қаласы Полция департаментінің бастығы, полиция генерал майоры
«Елімізде коронавирус инцекциясының таралуына байланысты енгізілген төтенше жағдай мен карантин режимі кезінде Полиция департаментінің 1000-ға жуық қызметкерлері күшейтілген режимде жұмыс істеді. Арнайы жабдықталған 200 автокөлік жұмылдырылды. Халық пен полицейлердің бірге екеніне өздеріңізде куә болдыңыздар. Ірі-ірі 27 кәсіпкер 15-20 күннен постта тұрған қызметкерлерді тамақтандырды. Әрине, бір рет, екі рет келген азаматтар көп. Олардың бәрін біз ұмытпаймыз. Өз қолымыздан марапат береміз. Бес кәсіпкерге ҚР ІІМ Ерлан Тұрғынбаевтың атынан алғыс хат бердік. Оны өздеріңізде көрдіңіздер. Біздің негізгі міндетіміз әрбір азаматтың жеке бас қауіпсіздігін қамтамасыз ету. Осы жолда әлі де жанқиярлық ерлік жасайтындарыңызға Елбасы, Тұңғыш Президент Нұрсұлтан Назарбаев, Мемлекет басшысы Қасым-Жомарт Тоқаев, ҚР ІІМ Ерлан Заманбекұлы Тұрғынбаев әрқашан сенім артып келеді. Осы сенімге селкеу түсірмеу үшін құзырлы орган қызметкерлері абыройлы қызмет атқара беретін боламыз».
Спикер: Мади Рысбек — Шымкент қаласы Полиция департаменті Әл-Фараби АПБ тергеу бөлімі бастығының орынбасары, полиция майоры
Ол «Бадам» бұғаттау бекетінде 78 күн бойы жұмыс жасап, 2020 жылдың 4 айының қорытындысына сәйкес қылмыстық істерді сотқа жолдау бойынша алдынғы қатардан көрінген үздік қызметкердің бірі. Бұғаттау бекетіндегі соңғы кезекшілігін аяқтап, өз отбасына оралды. Оны үйінде әйелі мен екі қыз, бір ұлы құшақ жая қарсы алды.
