83қаралым
Шымкентте жаңа мектеп пайдалануға берілді. «Shymkent City» шағынауданында орналасқан №135 жалпы орта білім беретін мектеп 1200 орынға арналған.
ҚР Тұңғыш Президенті күніне орай, Шымкент қаласының әкімі Мұрат Әйтенов жаңадан салынған білім нысанымен танысып, ғимаратты аралап көрген болатын. Білім шаңырағы лингафон, бастауыш сынып, ер балаларға арналған технология кабинеттерімен жабдықталған. Сондай-ақ, мектептің жаңа спорт залында салауатты өмір салтын ұстануға толық жағдай жасалған.
Мектеп ғимаратының құрылысы 2017 жылы басталған. Құрылыстың бас жобалаушысы – «Көркем сәулет» ЖШС. Мердігер мекеме нысанды өз уақтында аяқтап, пайдалануға тапсырды.
Бүгінде мектептегі оқушылар саны – 720. 3 гектар аумақты алып жатқан мектеп спорт залымен қатар, асхана, медициналық пунктпен жабдықталған. Компьютер саны – 172 дана. Мектепке бүгінде ұлағатты ұстаз Берікбай Михеев жетекшілік етеді.
Please follow and like us:
