Ж.Шанин атындағы Шымкент қалалық академиялық қазақ драма театрында 3,4 қараша күндері сағат 18:30да Ұлы ұстаз, әлемге әйгілі ойшыл, филосов Әбу Насыр әл-Фарабидің 1150 жылдығына арналған Ш.Құсайыновтың «Әбу Насыр әл–Фараби» тарихи драмасының премьерасы өтеді.
Орта ғасырдың философия мен ғылым әлеміне жаңа сілкініс әкелген «Ұстаздардың Ұстазы» — Әбу Насыр әл-Фарабидің белгілі һәм белгісіз өмір тарихы қандай еді? Арада қаншама ғасыр өтсе де, ғұлама қалдырған іліми жол – ғылымның Жетіқарақшысындай жарқырап тұр. Ілімінің құпиясы әлі толық ашылып біткен жоқ. Жаһандану кезеңінде әлем ғалымдары Фараби құпиясын ашуға жанталасып жатыр.
Ш.Құсайыновтың «Әбунасыр әль-Фараби» тарихи драмасы — Дешті-қыпшақ даласындағы Отырар қаласынан алыстағы Шам шаһарына білім іздеп барған, әлемде Аристотельден кейінгі «Екінші Ұстаз» атанып, медицина, математика, музыка, психология, астрономия, поэзия жайлы ғылыми еңбектерімен адамзатқа құнды қазына қалдырған Әбу Насыр әл-Фараби жайлы тереңнен ой қозғап, кемеңгер ғалымның туған топырағына деген махаббаты мен сағынышынан сыр тербейді.
Премьера 3,4 қараша күндері сағат 18.30-да өтеді.
Қоюшы режиссері – Ғазиз Арынов
Қоюшы суретші – ҚР Мәдениет қайраткері Қалтөре Жұмақұлов.
Мекен жайы: Нұрсәт м/а. Н.Назарбаев даңғылы 6.
Анықтама тел: 77-10-43, 8 778 249 59 20
