63қаралым
Әдетте тіс дәрігеріне баруға балалар түгілі үлкендер де жүрексінетіні жасырын емес. Ал, біздің кейіпкеріміз Жансая Исаеваға келген бүлдіршіндер тіс емдетуден қорықпайды. Балалар дәрігері, оның ішінде балалардың тіс дәрігері болу оңай шаруа емес. Жас та болса, бүгінде балалардың сүйікті тіс дәрігеріне айналып отыр.
Білікті маман стоматологиядағы ауыз қуысы, тіс, қызыл иек шырышты қабатының қабынуында жансыздандыру тәсілімен емдейді.
Заманауи әдістерді қолдануды жетік меңгерген маман доктор-смайл, депофорез, апек-локатор әдісін қолдана отырып, оң нәтижелерге қол жеткізген. Үнемі ізденіп, мамандығына сай жаңалықтардан хабардар болып отырады.
Өзінің сүйікті мамандығына нағыз берілген ақ халатты абзал жан, 10 жылдан бері балаларға әдемі күлкі сыйлаған дәрігер Жансая Исаева еңбек жолында бірнеше мақтау грамотасымен және стоматологиялық ісінің үздігі медалімен марапатталған.
Жоғары санатты тіс дәрігер бірнеше халықаралық конференцияларға қатысып, еліміздің Алматы, Нұр-Сұлтан және Ақтау қалаларында балалар стоматологиясы бойынша білімін жетілдірген.
Please follow and like us:
