Шымкент қаласының әкімі Мұрат Әйтеновтің өкіміне сәйкес, қалада 2020-2021 жылғы жылыту маусымы 15 қазаннан басталды. Бүгінде қаладағы 252 білім беру мекемесі 100 пайыз жылумен қамтамасыз етілді.
Шымкент қаласының білім беру мекемелері қысқы жылу маусымына толық дайындалды. 120 білім мекемесі «Қуатжылуорталығы-3» МКК арқылы, 124 білім ордасы жеке қазандықтан жылытылады.
Бүгінде жылыту жүйесі қатты отынмен жұмыс істейтін мекеме саны –17, сұйық отынмен жұмыс істейтіндер саны – 3. Білім басқармасы мамандарының айтуынша, 17 мекемеге 4 701 тонна қатты отын, 3 мекемеге 190 тонна сұйық отын сатып алынып, білім беру ұйымдарына толық жеткізілді.
Айта кетейік, ағымдағы жылдың 1 қазанынан бастап қаланың жылу жүйелерін сумен толтыру жұмыстары жүргізілді. Бүгінгі таңда магистралдық және ішкі орамдық жылу жүйелері 100 % сумен толтырылған.
Жылу жүйесінде қандай да бір мәселе туындаса сервистік мекемелерге ескерту жасауыңызға болады.
Қосымша аудан әкімдіктерінде диспетчерлік байланыс номері жұмыс жасайды.
Абай ауданы — 39-02-00
Әл-Фараби ауданы – 54 – 96 -54, 39-02-01
Еңбекші ауданы — 39-01-96, 43-31-09
Қаратау ауданы — 39-06-00, 77-45-63
Шымкент қаласы әкімдігінің диспетчерлік қызмет номері – 24 -72-99.
«Қуат жылу орталық-3» МК – 44- 81- 89.
