
Шымкентте Елбасы Н. Назарбаевтың «Рухани жаңғыру:Болашаққа бағдар» мақаласы және «Intellectyalgy ult» жалпы ұлттық жоба аясында «Ойлы болсаң, озып көр»байқауы өтеді.
Бұл туралы ақпараттық коммуникациялық орталықта өткен брифингте айтылды.
-2019 жылдан бері көптеген жұмыстар атқарылды. Жобаға жанашыр азаматтарды іздедік. Осылайша байқаудың ережелері бекітілді. Жүлде қоры да қомақты,-деді
Ішкі саясат және жастар істері жөніндегі басқарманың басшысы Жанар Бектаева.
Байқаудың авторы, Еркін ой газетінің редакторы Балтабек Түйетаев. Шахматтан өтетін жарысқа мектеп оқушылары және 18 жастан 60-қа дейінгі ардагерлер қатыса алады.
Ақыл ой сайысы 15 қазанда Көрме орталығында салтанатты түрде ашылып, жыл соңына дейін жалғасады.
Жоба аясындағы шараның жалпы жүлде қоры-2 миллион 500 мың теңге.