Шымкент қаласының әкімі М.Әйтеновтің қаладан шалғай орналасқан елдімекендерді инфрақұрылым жүйелерімен қамтамасыз ету туралы тапсырмасына сәйкес, Әл-Фараби ауданындағы Текесу тұрғын алабында инфрақұрылым мәселесі өз шешімін тапты, деп жазады қала әкімінің қызметіне сілтеме жасаған ordainfo.kz ақпараттық агенттігі.
Анығырақ айтар болсақ, ағымдағы жылы аталған тұрғын алапқа шағал тас төселіп, үш көшеге асфальт төсеу жұмыстары жүргізілді. Ал өткен жылы негізгі көшесіне демеушілер тарапынан жарық бағаналары орнатылған болатын.
Бұған дейін тұрғындар электр және газ жүйесімен толығымен қамтамасыз етілген болатын. Үздіксіз ауыз сумен қамтамасыз ету мақсатында, ауыз су жүйесіне ағымдағы жөндеу жұмыстарын жүргізу үшін бюджеттен 17 млн. теңге қаржы қаралған. Қазіргі таңда жөндеу жұмыстары аяқталып, тұрғындардың пайдалануына берілді.
Жалпы, биылғы жылы қала көлемінде инфрақұрылым мәселесі кеңінен жасалып, көптен бері осы жаңалықты күтіп жүрген тұрғындар үшін қуанышты жағдай болып отыр.
