62қаралым
Шымкент қаласы, Қаратау ауданы аумағында еліміздегі эпидахуалға байланысты карантиндік шараларды сақтау мақсатында мобильдік топ тарапынан күнделікті рейдтік іс-шаралар жүргізіп тұру дағдыға айналған.
Айта кету керек, аудан аумағында 1500-ге жуық кəсіпкерлік нысан бар. Мобильдік топтың аталған нысандарды кезекті аралау барысында Шымкент қаласы Бас санитарынық қауылысында белгіленген уақыттан тыс жұмыс атқарып жатқан 10 азық — түлік дүкендері анықталып, нысан иелерінен түсініктеме алынды. Әкімшілік хаттамалар толтырылды.
Қазіргі таңда аудан аумағында 20 сәуірден бүгінге дейін карантин талаптарын бұзған 71 кәсіпкерлік нысан анықталды. Оның ішінде 59 нысанға әкімшілік хаттама толтырылып, 4 нысанның жұмысын тоқтату бойынша сотқа өткізілген.
Жалпы, карантин талаптарды қадағалау мақсатында құрылған ауданның 6 мобильдік тобының жұмысы аудан əкімі аппаратының тұрақты бақылауында.
Өз жақындарыңыз бен туыстарыңыздың өміріне қауіп төндірмей, барлық талаптарды сақтануға шақырамыз. Өйткені вирусты инфекцияға шалдыққан адамдардың санының одан әрі артуы немесе артпауы сіз бен бізге байланысты.
Please follow and like us:
